Háhkat energiija lea guovddážis measta buot min váttisvuođain ja vejolašvuođain. Dat sáhttá váikkuhit sihke bargguide, sihkarvuhtii, dálkkádatrievdamiidda, biebmobuvttadeapmái ja dienasvejolašvuođaide.
Energiija váikkuha buot eanemusat dálkkádatrievdamiidda, CO2 ja eará dálkkádatgássaid luoitima bokte. Čoavddus dasa lea bistevaš energiija nu go biegga, čáhci ja beaivváš. Bistevaš ja ođasmuvvi energiija lea guoddevaš energiija.
7.1 2030 rádjai galgá sihkkarastojuvvot ahte buohkain leat luohtehahtti ja ođđaáigásaš energiijabálvalusat olámuttos, mat eai leat badjelmeare divrasat.
7.2 2030 rádjai galgá ođasmuvvi energiija leat mihá stuorit oassi máilmmi ollislaš energiijageavaheamis.
7.3 2030 rádjai galgá máilmmi energiijaeffektivitehta buoriduvvogoahtit beali jođáneappot.
7.a 2030 rádjai galgá internationála ovttasbargu nannejuvvot vai šaddá álkit olahit dutkama ja teknologiija buhtis energiija hárrái, maiddái ođasmuvvi energiija, energiijaeffektiviseren ja ovdáneaddji ja buhttáset teknologiija fossiila boaldámuša hárrái. Investeremat energiijainfrastruktuvrii ja buhtis energiija teknologiijai galget maiddái ovddiduvvot.
7.b 2030 rádjai galgá infrastruktuvra huksejuvvot ja teknologiija ođastuvvot vai sáhttá fállat ođđaáigásaš ja guoddevaš energiijabálvalusaid buohkaide ovdánahttinriikkain, erenomážit dain riikkain mat unnimusat leat ovdánan, ovdánahttinsuolostáhtain ja ovdánahttinriikkain main ii leat mearragáddi, iešguđetge riikkaid doarjjaprográmmaid vuođul.