Dásseárvu lea olmmošvuoigatvuohta. Goappaš sohkabeliin galgá leat seamma vuoigatvuohta ja vejolašvuohta mearridit iežas eallima badjel. Nissonolbmuide ferte oahppu, dearvvašvuođabálvalusat, bargu ja juridihkalaš vuoigatvuođat leat olámuttos vai riika sáhttá ovdánit.
5.1 Jávkadit buot vealaheami nissonolbmuid ja nieiddaid vuostá máilmmis.
5.2 Jávkadit buot veahkaválddálašvuođa nieiddaid ja nissonolbmuid vuostá, sihke dan mii lea almmolašvuođas ja dan mii lea ruovttuin; dás oaivvilduvvon maiddái olbmuid vuovdima, seksuálalaš veahkaválddálašvuođa ja eará ávkkástallama.
5.3 Jávkadit buot vahátlaš dábiid, nu go mánáid náitima, árra náitaleami ja bákkolaš náitaleami, ja maiddái vuolledábiid billistahtti čuohpadeami.
5.4 Almmolaš bálvalusaid, infrastruktuvrra ja sosiálapolitihka bokte dohkkehit ja árvvusatnit bálkkáhis fuolahan- ja ruovttubargguid. Ovddidit seammadásat ovddasvástádusa ruovttudoalus ja bearraša ovddas, nu movt buoremusat heive ovttaskas riikii.
5.5 Sihkkarastit ahte nissonolbmuin lea ollislaš ja albma vejolašvuohta searvat ja ovttadássásaš vejolašvuohta beassat jođihandoaimmaide buot dásiin gos mearrádusat dahkkojuvvojit politihkalaš, ekonomalaš ja almmolaš diliin.
5.6 Sihkkarastit ahte buorre seksuála ja eatnánandearvvašvuohta ja eatnánanvuoigatvuođat leat olámuttos buohkaide, internationála konferánssa doaibmaprográmma álbmogiid ovdáneami vuođul, ja Beijinga doaibmaplána ja ovttaskas bearráigeahččokonferánssaid mearridandokumeanttaid vuođul.
5.a Álggahit reforpmaid mat addet nissonolbmuide seamma vuoigatvuođaid ekonomalaš resurssaide ja vejolašvuođa háhkat, eaiggáduššat ja mearridit eatnamiid ja eará opmodaga badjel, ja háhkat ruđalaš bálvalusaid, árbbi ja luondduriggodagaid, nationála lágaid mielde.
5.b Nannet heivehuvvon teknologiija geavaheami, erenomážit dieđalaš ja gulahallanteknologiija, nannen dihte nissonolbmuid dili servodagas.
5.c Mearridit ja nannet buori politihka ja mearridit čađahahtti lágaid ovddidan dihte dásseárvvu ja nannet nieiddaid ja nissonolbmuid dili juohke dásis servodagas.